Ticker

6/Breaking/ticker-posts

रुग्ण बरा झाल्यावर भविष्यात रक्तदाता असू शकतो - नरेंद्र मेरगु रक्तदान शिबिरात 58 पिशव्यांचे संकलन







 शिवराज्यकर्ते युवा प्रतिष्ठानच्या रक्तदान शिबिरात 58 युवकांचे रक्तदान

 लोकनेता  न्यूज

(ऑनलाईन न्यूज नेटवर्क)


नगर - आजच्या स्पर्धेच्या व धकाधकीच्या  युगात दिवसेंदिवस वाढणारे अपघात, वाढते औद्योगिकरण व त्यांच्याशी संबंधित अपघात, दळणवळण अपघात इत्यादीमुळे  रक्त आणि रक्तघटक ही आरोग्य सेवेतील आवश्यक उपचार प्रणाली झालेली आहे. आजचा रक्तदाता उदयाचा रक्त घेणारा असू शकतो किंवा आज रक्त घेतलेला रुग्ण बरा झाल्यावर भविष्यात रक्तदाता असू शकतो. काहीही अपेक्षा न करता दिलेले रक्तदान हे जीवनदान आहे, असे प्रतिपादन नरेंद्र मेरगु  यांनी केले.

शिवराज्यकर्तेयुवा प्रतिष्ठानच्या वतीने गणेश उत्सव निमित्त रक्तदान शिबिराचे आयोजन करण्यात आले याप्रसंगी नरेंद्र मेरगु बोलत होते यावेळी प्रतिष्ठानचे अध्यक्ष ऋषिकेश सामल, ओंकार बुरगुल, विनीत इराबत्तीन, दिनेश नागुल, अमर सादुल, गौरव म्याना, यश सामल आदी उपस्थित होते.

 

पुढे बोलताना ते म्हणाले रक्त हे कुठेही तयार होत नाही त्याला मानवानेच रक्तदान करावे लागते म्हणून म्हणून रक्तदान करणे खूप गरजेचे आहे आज शिवराज्यकर्तेव प्रतिष्ठानचे वतीने रक्तदान शिबिर भरवून सामाजिक संदेश देण्याचा प्रयत्न कौतुकास्पद असल्याचे ते म्हणाले.

प्रास्ताविकात शिवराज्यकर्तेप्रतिष्ठानचे अध्यक्ष ऋषिकेश सामल म्हणाले गणेश उत्सव सामाजिक उपक्रमांनी साजरा व्हावा आणि या माध्यमातून समाजाची सेवा होय म्हणून प्रतिष्ठानच्यावतीने रक्तदान शिबिराचे आयोजन करण्यात आल्याचे त्यांनी सांगितले या शिबिरात 58 युवकांनी रक्तदान केले या शिबिरासाठी अष्टविनायक ब्लड बँकेचे सहकार्य लाभले.

 

शिबिर यशस्वीतेसाठी गौरव कन्ना, ओंकार कोलपेक, मिलिंद गुंजाळ, संतोष चेन्नुर, विकी ताडला, माधव उडता, अकाश हरबा, राजेश नागुल, रोहन सामल शिवराज्यकर्तेयुवा प्रतिष्ठानचे सर्व कार्यकर्त्यांनी परिश्रम घेतले.

 

टिप्पणी पोस्ट करा

0 टिप्पण्या