शेवगावमधील बोगस गुंठेवारी प्रकरण : तहसीलदारांचे कानावर हात ; गुढ वाढ्ले

 लोकनेता  न्यूज

(ऑनलाईन न्यूज नेटवर्क)

 शेवगाव  : शेवगाव शहरातील बहुचर्चित बोगस एन.ए. गुंठेवारी प्रकरणाचे गुढ दिवसेंदिवस वाढु लाग्ले असून कार्यालयातील एन.ए.नोंद रजिस्टर गहाळ प्रकरणी तात्कालीन तहसीलदांरानी कानावर हात ठेवले आहेत. त्यामुळे शहरासह  ग्रामीण भागातील अकृषिक प्रकरणातील मोठा घोटाळा  उघडकीस येण्याची शक्यता निर्माण झाली  आहे..

 शेवगाव शहरात बोगस एन.ए. गुंठेवारी करुण त्याची खरेदी विक्रीचे व्यवहार झाल्याचे उघड झाले आहे. याबाबत उच्चस्तरीय समिती नेमुन तत्काळ चौकशी करावी व दोषींवर गुन्हे दाखल करण्याची मागणी भाजपा जिल्हाध्यक्ष अरुण मुंढे यांनी जिल्हाधिकारी यांच्याकडे  केली आहे.  हा प्रकार उघड होताच अशा भुखंडाची खरेदी विक्री करणार्यामध्ये एकच खळबळ उडाली आहे.

बोगस अकृषिक गुंठेवारी प्रकरण उघड होताच तात्कालीन तहसीलदार यांचेही धाबे दणाणले असुन ते ही अडचणीत येण्याची शक्यता असल्याने त्यांचे याकडे  लक्ष लागले आहे. तत्कालीन तहसीलदार दिपक पाटील यानी आपण टाऊन प्लॅन, मोजणी पत्र व तलाठ्यांचा दाखला घेऊण रितसर अकृषिक  गुंठेवारी नोंदी केल्या आहेत. त्याबाबतचे रजिस्टर कुठे आहे व आपल्या पश्चात कोणी काय केले याची मला माहिती नाही. मी ऐलो झोनमधील रितसर अकृषिक केल्याचे त्यांनी सागिंतले . तसेच तत्कालीन तहसीलदार विनोद भामरे यांनी बोगस सही शिक्यांनी कोणी अकृषिक नोंदी केल्या असतील तर तो गंभीर विषय आहे. त्यावेळी ग्रिन झोनमध्ये कृषी पुरकच्या नोंदी करता येत होत्या, 

शहरात ४२ ब नुसार एलो झोन असलेल्या भागात एन. ए. करण्यात आलेल्या गुंठेवारीच्या नोंदी ठेवण्यात आल्या तर ग्रीन झोनमध्ये बोगस एन.ए,करण्यात आले मात्र त्याच्या नोंदी आढळत नाही.  शहरानंतर ग्रामीण भागात ४२ ड नुसार गावठाण पासून २०० मिटरच्या आत एन.ए . नोंद करता येत असली तरी अनेक गावात बेकायदा अकृषिक नोंदी झाल्याचे प्रकार उघडकीस येत आहेत. या प्रकाराची वर्गवारी नोंद वही ( एस.आर. रजिस्टर) गहाळ झाल्याची माहिती असून नेमके हेच रजिस्टर गहाळ केल्याने या प्रकरणाचे गुढ अधिक वाढले आहे.