धनंजय मुंडेंच्या शिष्यवृत्ती धोरणातील बदलामुळे मोलकरणीचा मुलगा परदेशात शिकणार..!

 

लोकनेता  न्यूज

(ऑनलाईन न्यूज नेटवर्क)

 

मुंबई : परदेश शिष्यवृत्ती योजनेच्या निकषात बदल केल्यानंतर याचा सकारात्मक परिणाम दिसून आला आहे. कारण घरगुती काम करणाऱ्या आणि उदरनिर्वाह करणाऱ्या एका गरीब महिलेचा मुलगा आता प्रदेशात शिष्यवृत्तीच्या बळावर लंडनला शिकायला निघाला आहे. त्यामुळे त्याने खास कवितेतून धनंजय मुंडे यांचे आभार मानले आहेत.

सोलापूरमधील एका घरगुती काम करणाऱ्या आईचा मुलगा योगेश बेडकर हा आता लंडनला एम्पिरिकल कॉलेजमध्ये इन्व्हायर्नमेंटल इंजिनिअरिंगमध्ये मास्टर करण्यासाठी जाणार आहे. परदेशी शिष्यवृत्ती योजनेच्या निकषांमध्ये धनंजय मुंडे यांनी बदल केल्यानंतर त्याचा लाभ आता होताना दिसतोय.

यामुळे योगेश याने एक कविता करून धनंजय मुंडे यांचे आभार मानले आहेत. मुंडेसाठी केलेली कविता ट्विटरवर शेअर देखील करण्यात आली. ' आज माझ्यासारख्या खूप विद्यार्थ्यांना संधीची गरज आहे आणि ते तुम्ही नक्कीच त्यांना द्याल, असा विश्वास मनात आहे. तुमच्या मार्गदर्शनाखाली संपूर्ण विभाग हे योग्य आणि वेळोवेळी काम करत आहे. त्यामुळे सामाजिक न्याय व विशेष सहाय्य विभाग आणि समाजकल्याण विभाग यांचे खूप खूप आभार' असंही ट्विट योगेश बिडकर याने केलं आहे. त्याने ट्विटमध्ये नेमकी कोणती कविता केली ती पाहूयात.

'शेवटी एक लहानशी कविता आपल्यासाठी,

मोलकर्णीचा मुलगा निघाला शिकाया आज लंडनला ||

नाही लागणार आईला आता दुसऱ्याची घरं झाडायला ||

कारण आपल्या खात्याने पाठवलं मला पुढे शिकायला,

शतशः आभार या आपल्या खाते समाजकल्याणला !

राहील ऋनि मी सदा या आपल्या कार्याला , या आपल्या कार्याला 

दरम्यान, योगेशच्या या ट्वीटला धनंजय मुंडे यांनीही प्रतिक्रिया दिली आहे. यामध्ये त्यांनी लिहलं की, 'प्रिय योगेश, खडतर कौटुंबिक परिस्थितीवर मात करत स्वतःच्या योग्यतेवर हे यश तू मिळवलं आहेस. आम्ही तर फक्त आमचं कर्तव्य निभावलं आहे. पुढील उच्च शिक्षणासाठी हार्दिक शुभेच्छा.'