स्व.गोपाळराव झोडगे यांच्या स्मृतीदिनी अभिवादन.
लोकनेता न्यूज
(ऑनलाईन न्यूज नेटवर्क)
अहमदनगर:भिंगार बँकेने नेहमीच सभासद, ठेवीदार, कर्जदार यांच्या हितांचे निर्णय घेऊन सर्वसामान्यांना आर्थिक पत निर्माण करुन देण्याचा प्रयत्न केला आहे. या कार्यात स्व.गोपाळराव झोडगे यांनी भिंगार अर्बन बँकेला प्रगतीपथावर नेण्यासाठी त्यांनी प्रयत्न केले. सर्वसामान्य माणूस बँकेशी जोडून त्यांना त्यांच्या पायावर उभे करण्याचे काम केले. बँकेच्या विविध योजनांच्या माध्यमातून त्यांची प्रगती साधली आहे. बँकेच्या जडणघडणीत स्व.नानांनी दिलेले योगदान कोणीही विसरु. शकत नाही. त्यांनी बँकेच्या हितासाठी घेतलेले निर्णय बँकेला प्रतिष्ठा मिळवून दिले. त्यामुळेच बँकेलाही वेळो वेळी अनेक राष्ट्रीय व राज्यस्तरीय पुरस्कार मिळाले, ही त्यांच्या कार्याची पावती आहे. त्यांचे हे कार्य आपण यापुढेही असेच सुरु ठेवून बँकेला आणखी प्रगतीपथावर नेण्याचे काम आपणा सर्वांना करावयाचे आहे, असे प्रतिपादन भिंगार अर्बन बँकेचे चेअरमन अनिलराव झोडगे यांनी केले.
भिंगार बँकेचे माजी चेअरमन गोपाळराव झोडगे यांच्या प्रथम स्मृतीदिनानिमित्त भिंगार बँकमध्ये त्यांच्या प्रतिमेस पुष्पहार अर्पण करुन अभिवादन करण्यात आले. याप्रसंगी चेअरमन अनिल झोडगे, व्हाईस चेअरमन किसनराव चौधरी, ज्येष्ठ संचालक नाथाजी राऊत, राजेंद्र पतके, नामदेव लंगोटे, एकनाथ जाधव, अमोल धाडगे, तिलोत्तमा करांडे, आर.डी.मंत्री, रमेश परभाने, विजय भंडारी, आर.एस.बोरा, मुख्य कार्यकारी अधिकारी शशिकांत महाजन, असि.मॅनेजर मच्छिंद्र पानमळकर आदि उपस्थित होते.
याप्रसंगी संचालक आर.डी.मंत्री म्हणाले, भिंगार बँकेने आज राज्यात आपला वेगळा लौकिक निर्माण केला आहे, याचे श्रेय हे स्व.गोपाळराव झोडगे यांना जाते. उद्योजकांबरोबर सर्वसामान्यांनाही स्वत:च्या पायावर उभे करण्याचे काम बँकेने केले आहे. बँकेचा चढता आलेख असा सुरु राहील, असे सांगितले.याप्रसंगी व्हाईस चेअरमन किसनराव चौधरी, संचालक नाथाजी राऊत, राजेंद्र पतके, नामदेव लंगोटे, मच्छिंद्र पानमळकर आदिंनी स्व.गोपाळनाना झोडगे यांच्या कार्याचा गौरव करुन श्रद्धांजली अर्पण केली.
कार्यक्रमाचे सूत्रसंचालन नामदेव लंगोटे यांनी केले तर आभार शशिकांत महाजन यांनी मानले. याप्रसंगी शाखाधिकारी संतोष मिसाळ, सचिन थोरात, संदिप पाटील, सागर पुंड, मच्छिंद्र जाधव आदिंसह सर्व कर्मचारी वृंद उपस्थित होते.
0 टिप्पण्या