ग्रामदैवत श्री विशाल गणेश मंदिरात गणेश जयंती उत्साहात साजरी

लोकनेता  न्यूज

(ऑनलाईन न्यूज नेटवर्क)

  नगर:  नगर शहराचे ग्रामदैवत असलेल्या श्री विशाल गणेश मंदिरात श्री गणेश जयंतीनिमित्त विविध धार्मिक कार्यक्रमांचे आयोजन करण्यात आले होते. गेल्या तीन दिवसांपासून सुरु असलेल्या गणेश यागाची आज सांगता झाली. तसेच सकाळी अभिषेक, महापुजा करुन दुपारी गणेश जन्मावेळी उद्योजक विजयकुमार बोरुडे परिवाराच्या हस्ते आरती करण्यात आली. यावेळीभाविकांनी पुष्पवृष्टी करुन गणेश जन्मोत्सव साजरा केला.  पुजारी संगमनाथ महाराज यांनी विधीवत पुजा केली.

 गणेश यागचे यजमानपद उद्योजक विजयकुमार बोरुडे यांनी स्वीकारले होते. पौरोहित्य नाशिक येथील मुकुंद शास्त्री मुळे यांनी केले. भाविकांनी पहाटेपासूनच मंदिरात दर्शन घेण्यासाठी गर्दी केली होती. गणेश जयंतीनिमित्त मंदिरावर आकर्षक विद्युत रोषणाई करण्यात आली होती.

 जन्मोत्सवप्रसंगी जिल्हा कारागृह अधिक्षक शामकांत शेडगे, माजी महापौर सुरेखा कदम, देवस्थानचे अध्यक्ष अ‍ॅड.अभय आगरकर, उपाध्यक्ष पंडितराव खरपुडे, सचिव अशोकराव कानडे, विश्वस्त विजय कोथिंबीरे, पांडूरंग नन्नवरे, हरिश्चंद्र गिरमे, भाऊसाहेब फुलसौंदर, चंद्रकांत फुलारी, बापूसाहेब एकाडे, ज्ञानेश्वर रासकर, रंगनाथ फुलसौंदर, गजानन ससाणे आदि उपस्थित होते.देवस्थानच्यावतीने मंदिरात फुलांची सजावट करण्यात आली असून, भाविकांच्या सावलीसाठी मंडप टाकण्यात आला असून भव्य व आकर्षक प्रवेशद्वार उभारण्यात आले आहे.