लोकनेता न्यूज
(ऑनलाईन न्यूज नेटवर्क)
नगर: अहमदनगर महानगरपालिकेच्‍या मालकीची 700 एकर जागा असलेल्‍या पिंपळगांव माळवी तलाव परीसराचा पर्यट्नाच्या उद्देशाने विकास करण्यात येइल असे प्रतिपादन महापौर सौ.रोहिणीताई शेंडगे यानी केले. पिंपळगांव माळवी तलाव नुकताच भऊन वाहु लागला असून येथील पाण्‍याचे जलपुजन महापौर सौ.रोहिणीताई शेंडगे यांच्या हस्‍ते करण्यात आले. यावेळी त्या बोलत होत्या.
महापौर सौ.रोहिणीताई शेंडगे यांनी सांगितले की, अहमदनगर महानगरपालिकेच्‍या
पिंपळगांव माळवी तलाव पावसाच्‍या पाण्‍याने भरलेला असून नगर शहरापासून अगदी जवळच
हा परिसर आहे. निसर्ग संपन्‍न वातावरण यामुळे या परिसरात नागरिक सुट्टीच्‍या दिवशी
फिरण्‍यासाठी येतात. नागरिकांना तलाव परिसरात बसण्‍यासाठी चांगले बाकडे बसविण्‍यात
येतील. काही ठिकाणी विद्युत व्‍यवस्‍था देखील करण्‍याचे
प्रशासनाला सां‍गण्‍यात आले आहे. तलाव भरल्‍यानंतर सांडेवरून वाहणारे पाणी दगडी
फरशीवर वाहून खाली जाते जास्‍त पाऊस झाल्‍यावर रस्‍त्‍याचा अंदाज येत नाही. त्‍यामुळे
अपघात होतात; त्‍यासाठी रस्‍त्‍याच्‍या दोन्‍ही बाजूला
रिलींग बसविण्‍यात येईल.
0 टिप्पण्या