Ticker

6/Breaking/ticker-posts

बालमटाकळी येथे स्वस्त धान्य दुकानातील दुसरीकडे जाणारा माल ग्रामस्थांनी सिनेस्टाईल रंगेहात पकडला..

 


लोकनेता  न्यूज

(ऑनलाईन न्यूज नेटवर्क)

 शेवगाव: शेवगाव पुरवठा विभागातील गैरकारभार चव्हाट्यावर आला असतानाच आज तालुक्यातील बालमटाकळी येथे स्वस्त धान्य दुकानातील माल रिकाम्या बारदाण्याच्या वाहनातून विल्हेवाट लावण्यासाठी घेऊन जात असताना ग्रामस्थांनी रंगेहात पकडून घटनेची माहिती शेवगावच्या तहसिलदार अर्चना पागिरे यांना दिल्यानंतर नायब तहसिलदार व पुरवठा विभागाच्या अधिकाऱ्यांनी घटनास्थळी भेट देऊन दुकानातील धान्य साठ्याचा पंचनामा करण्यात आला आहे. 

 याबाबत माहिती अशी की बालमटाकळी येथे स्वामी विवेकानंद पत संस्थेचे स्वस्त धान्य दुकान मंगरूळ येथील  शिवाजी शंकर काकडे हे स्वस्त धान्य दुकान चालवीत असून शनिवारी धान्य वाटप सुरू असताना ग्राहकांची दुपारी गर्दी कमी झाल्याने चारचाकी टेम्पो बोलावून त्यामध्ये रिकाम्या बारदाण्याचा भरणा केल्याचा बहाणा करून दुकानातील तांदळाचे २४ कट्टे व ३ तांदळाचे चुंगडे त्यामध्ये टाकण्यात आले होते.

 दिगंबर पोपळघट, अन्वर शेख, लक्ष्मण फाटे यांच्यासह इतर ग्रामस्थांनी सिनेस्टाईलने रंगेहात पकडून व्हिडीओ काढण्यात आला.  तसेच त्याची माहिती दिगंबर पोपळघट यांच्यासह इतर युवकांनी शेवगावच्या तहसिलदार अर्चना पागिरे यांना दूरध्वनीद्वारे दिल्यानंतर सुमारे दीड तासांनी नायब तहसीलदार शिवाजी सुसरे,पुरवठा विभागाचे साळुंखे हे घटनास्थळी दाखल झाले. तो पर्यंत दुकानासमोर ग्रामस्थांनी तोबा गर्दी केली होती आलेल्या संबधित अधिकाऱ्यांनी सदर घटनेचा ग्रामस्थ समवेत पंचनामा केला असता स्वस्त धान्य दुकानात ५० किलोच्या २४ गोण्या आढळून आल्या.  



 दिगंबर टोके, परमेश्वर शिंदे,मधुकर पाटेकर, संदीप शिंदे, बाळासाहेब देवढे, या ग्रामस्थांच्या उपस्थित समक्ष पंचनामा करण्यात आला. मात्र सदर दुकानदारांनी पॉश मशीनचा वाफर न करता धान्याचे वाटप केले जात असून व ग्राहकांना  धान्य दिले तर रीतसर पावत्या दिल्या जात नाहीत असा आरोप ग्रामस्थ शेखर बामदळे यांनी अधिकाऱ्यांसमोर केला तसेच  स्वस्त धान्य चालक शिवाजी काकडे या दुकानदारांनी पॉश मशीन गायब केले व गावात नोंदणीसाठी पाठवले आहे अशी खोटी माहिती ग्रामस्थांना व अधिकाऱ्यांना दिली ग्रामस्थ दुकानदाराच्या उडवाउडवीच्या उत्तरामुळे अत्यंत  संतप्त झाले होते सदर मशीन घेऊन या अशी ग्रामस्थांनी जोरदारपणे मागणी केली. पण मशीन बाहेर गेले असे खोटे दुकानदारांनी सांगितले पण सदर पॉश मशीन दुकानदाराच्या जवळ असलेल्या पिशवीची ग्रामस्थांनी झडती घेतल्याने त्यामध्ये स्पॉश मशीन आढळून आल्याने ग्रामस्थ अत्यंत आक्रमक झाले होते यावेळी ग्रामस्थांनी संबंधित दुकानदाराला व अधिकाऱ्याला चांगलेच धारेवर धरले गेले संबंधित दुकानदाराच्या विरोधात अनेक तक्रारी करण्यात आल्या आहेत पॉश मशीन संबधित अधिकाऱ्यांनी चौकशीसाठी ताब्यात घेतले आहे त्यामध्ये काय निष्पन्न होईल तसेच वरिष्ठ अधिकारी काय कारवाई करतात याकडे ग्रामस्थांचे लक्ष लागले आहे .

टेम्पोत बारदाण्या व्यतिरिक्त काही नव्हते

दिनांक ११ रोजी तहसीलदार यांच्याकडे दूरध्वनीवरून केलेल्या तक्रारींच्या कामी आलेल्या अधिकारी यांनी माझे दुकानाचा साठा माझ्या समक्ष २४ कट्टे  व ३ चुंगडे तांदळाचे भरले ते बरोबर आहे. मी बारदाण्यासाठी टेम्पो बोलवला होता. त्याच्यामध्ये बारदाण्या व्यतिरिक्त काही नव्हते मी सकाळी गहू, तांदूळ वाटप केलेले आहे. 

शिवाजी शंकर काकडे

स्वस्त धान्य दुकानदार, बालमटाकळी

 

टिप्पणी पोस्ट करा

0 टिप्पण्या