भेंडा - कुकाणा रस्त्यावरील खड्डयांचा बळी अधिकारी व ठेकेदारावर गुन्हा दाखल करा

 

लोकनेता  न्यूज

(ऑनलाईन न्यूज नेटवर्क)

भेंडा: दि. २० ऑगस्ट रोजी रात्री आठच्या दरम्यान भेंडे येथे मळीच्या ओढ्या जवळ झालेल्या रस्त्यावरील खड्डे चुकविण्याच्या अपघातात उपचारा अगोदर एकाचा मृत्यु झाला तर दुसरा गंभीर जखमी असुन त्याचेवरही उपचार चालु आहेत. यापुर्वीच जर खड्डे बुजविले असते तर या अपघातात हा मृत्यू झाला नसता. त्यामुळे सार्वजनिक बांधकाम खात्याच्या संबंधित आधिकारी व ठेकेदारावर सदोष मनुष्य वधाचा गुन्हा दाखल करण्याची मागणी प्रवासी वर्गातुन होत आहे.

 कुकाणे येथुन घरी माळी चिंचोरा येथे रस्त्याने जात असलेल्या मोटारसायकलला अज्ञात वाहनाने पाठीमागून जोराची धडक दिल्याने झालेल्या अपघातात नेवासा तालुक्यातील माळीचिंचोरा येथील नितीन सोमनाथ पुंड व रमेश ज्ञानदेव पुंड ( दोघेही वय २८ वर्षे ) हे दोघे सख्खे चुलत भाऊ गंभीर रित्या जखमी झाले होते . त्यांना उपचारार्थ रुग्णालयात नेण्यासाठी  १०८  रुग्णवाहिकेतुन नेवासा फाट्यावरील खाजगी रुग्णालयात तातडीने पाठविले होते.त्यापैकी गंभीर जखमी झालेल्या नितीन पुंड यास पुढील उपचारासाठी नगरला हलविण्यात आले .परंतु दुर्दैवाने त्याचे मध्येच निधन झाले. 

३ आॕगस्ट रोजी  बांधकाम खात्यास मेल पाठवुन संबंधित उप अभियंत्यांशी तातडीने खड्डे बुजविण्याबाबत प्रत्यक्ष चर्चा केली होती. याचे टेंडर झाले असुन लवकरच खड्डे बुजविणार आहोत, असे संबंधित अधिका-याने सांगितले होते. परंतु ठेकेदाराने या कामास विलंब लावल्याने व खात्याने दुर्लक्ष केल्याने अखेर खड्डयाने एक बळी घेतलाच.