लोकनेता न्यूज
(ऑनलाईन न्यूज नेटवर्क)
अहमदनगर : अर्बन बँकेत
पतीस नोकरी लावतो म्हणून पैसे घेतले मात्र नोकरी लावली नाही. घेतलेल्या पैश्याची
मागणी केली असता मागासवर्गीय महिलेला जातीवाचक शिवीगाळ केल्याप्रकरणी अॅट्रॉसिटी व विनयभंगाचा गुन्हा
दाखल झालेल्या शेवगावचे नगरसेवक कमलेश गांधीसह चार जणांविरुध्द शेवगाव पोलीस
ठाण्यात नुकताच गुन्हा दाखल झाला होता , मात्र आज सोमवारी या चौघांनाही अहमदनगर न्यायालयात
अटकपूर्व जमीन मंजूर झाला आहे.
याबाबत अधिक माहिती अशी की, गोल्या आठवड्यात शेवगाव येथील एका महिलेने पोलीस ठाण्यात दिलेल्या फिर्यादीवरून ललिता तापडीया व कमलेश गांधी यांनी माझ्या पतीस अर्बन बँकेत नोकरीला लावून देतो.असे म्हणून माझ्या सासूकडे १० लाख रुपयांची मागणी केली. त्यातील पाच लाख ५० हजार रुपये रोख घेतले होते. उर्वरीत रक्कमेसाठी बँक आँफ महाराष्ट्राचे तीन कोरे धनादेश घेतले होते. त्यानंतर माझे पती यांना नोकरीस लावून न दिल्याने आमच्यात वाद झाले. त्यानंतर ललिता तापडीया हीने माझ्या पतीविरुध्द धनादेश न वटल्याचा गुन्हा न्यायालयात दाखल केला.
पोलिसांनी उपोषणाची दखल घेवून नगरसेवक कमलेश गांधी,
ललिता तापडीया, जगदीश तापडीया, शरद जोशी यांच्याविरुध्द अनुसुचित जाती आणि जमाती अत्याचार प्रतिबंधक
अधिनियम ३(१) तसेच भादवि कलम ४५२, ३५४, ३२३,५०४, ५०६, ३४ अन्वये गुन्हा दाखल केला होता .
त्यासंदर्भात आरोपींनी अहमदनगर जिल्हा न्यायालयात दाद मागत अटक पूर्व जामिनासाठी अर्ज दाखल केला होता. न्यायमुर्ति शेटे यांच्या समोर आज सोमवार या अर्जावर सुनावणी झाली . युक्तिवाद होऊन नगरसेवक कमलेश गांधीसह ललिता तापडीया, जगदीश तापडीया, शरद जोशी या चौघांना अहमदनगर न्यायालयाने अटकपूर्व जमीन मंजूर केला आहे . त्यांचा वतीने अॅड महेश तवले यांनी काम पाहिले .
0 टिप्पण्या