Ticker

6/Breaking/ticker-posts

दादा 'मला आपलं म्हणा...', 'मला माफी, हेच तुमचं वाढदिवसाचं रिटर्न गिफ्ट' राष्ट्रवादीच्या कार्यकर्त्याच्या अनोख्या शुभेच्छा..

 








लोकनेता  न्यूज

(ऑनलाईन न्यूज नेटवर्क)

मुंबई : काल राज्याचे  अजित पवार यांचा वाढदिवस आहे. अजित पवार यांच्या वाढदिवसानिमित्त त्यांच्यावर शुभेच्छांचा वर्षाव सुरु आहे. काहींनी टीव्ही माध्यमांवर जाहिरात दिल्या आहेत, अनेकांनी सोशल मीडियावरुन शुभेच्छा दिल्यात तर काहींनी वर्तमान पत्रांमध्ये जाहिरात देऊन शुभेच्छा दिल्यात. या शुभेच्छांमध्ये एका जाहिरातीची खास चर्चा सुरु आहे. 

अजित दादांच्या वाढदिवसानिमित्त राष्ट्रवादीच्या कार्यकर्त्याने त्यांची वर्तमानपत्रातून जाहिर माफी मागत शुभेच्छा दिल्या आहेत. राष्ट्रवादी युवक काँग्रेसचे अध्यक्ष नितीन देशमुख यांनी देवेंद्र फडणवीसांसोबत घेतलेल्या पहाटेंच्या शपथविधीनंतर अजित पवार यांच्या विरोधात जोरदार घोषणाबाजी केली होती.  त्यानंतर अजित दादांनी देशमुख यांच्यावर नाराजी व्यक्त केली होती. घोषणाबाजीनंतर आजपर्यंत देशमुख यांच्याशी अजित पवार बोलले नाहीत.

 नितिन देशमुख हे राष्ट्रवादी युवक काँग्रेसचे अध्यक्ष आहेत वपवार कुटुंबियांचे कट्टर समर्थक ओळखले जातात.  पवारांविरुद्ध बोलणाऱ्या आमदार गोपीचंद पडळकरांना देशमुख नेहमीच अंगावर घेत आले आहेत.  पहाटेच्या शपथविधीनंतर नितिन देशमुख यांनी वाय बी चव्हाण येथे अजित पवार यांच्याविरोधात घोषणाबाजी  केली होती. 

नितिन देशमुख यांनी आज 'मला माफी, हेच तुमचं वाढदिवसाचं रिटर्न गिफ्ट', अशा आशयाची  जाहिरात वर्तमानपत्रात दिली आहे.  दादा, तुमच्या वाढदिवसानिमित्त करतो एकच वादा झाली चूक, माफ करातुम्हाला दुखवण्याचा बिलकुल नव्हता इरादा. 23  नोव्हेंबर 2019 रोजी माझ्या हातून आयुष्यातील सर्वात मोठी चूक घडली.  यशवंतराव चव्हाण प्रतिष्ठान येथे नको त्या घोषणा दिल्या. दादा, मी अपरिपक्व होतो, भावनेच्या भरात माझ्याकडून चूक झाली.  दोन वर्षे मी स्वतःला पश्चातापाच्या अग्निकुंडात झोकून दिले आहे.  पण दादा, आता सहन होत नाही..संपूर्ण महाराष्ट्र आज तुम्हाला वाढदिवसाच्या शुभेच्छारुपी आदरभाव व्यक्त करतोय, मलाही दादा आज मन मोठं करुन आशिर्वादरुपी माफीचं रिटर्न गिफ्ट द्या..एवढीच माफक अपेक्षा असं  नितीन देशमुख यांनी म्हटलं आहे. 


अजित पवारांनी केलं होतं आवाहन

राज्यातील कोरोना संकटाच्या पार्श्वभूमीवर उपमुख्यमंत्री अजित पवार यांनी त्यांचा वाढदिवस साजरा न करण्याचा निर्णय घेतला आहे. कार्यकर्ते आणि हितचिंतकांनी माझ्या वाढदिवसानिमित्त कोणत्याही प्रकारचे जाहीर कार्यक्रम आयोजित करु नयेत, गर्दी जमवू नये, प्रत्यक्ष भेटीसाठी येणे टाळावे, पुष्पगुच्छ पाठवू नयेत, वाढदिवसाच्या शुभेच्छा दूरध्वनीवरुन किंवा डिजिटल स्वरुपात व्यक्त कराव्यात. सर्वांनी कोरोनाप्रतिबंधक नियमांचे पालन करुन महाराष्ट्राला कोरोनामुक्त करण्याच्या लढाईत योगदान द्यावे, असे आवाहन उपमुख्यमंत्र्यांनी केले आहे.


टिप्पणी पोस्ट करा

0 टिप्पण्या