Ticker

6/Breaking/ticker-posts

मास्क न वापरणाऱ्या राज ठाकरेंना अजित पवारांचा टोला

 


लोकनेता न्यूज

( ऑनलाईन न्यूज नेटवर्क ) 

मुंबई : 'काही नेते म्हणतात मी मास्क लावतच नाही, पण बाकीच्यांना करोना झाला तर काय करायचे', असा टोला विधान परिषदेत राज्याचे उपमुख्यमंत्री अजित पवार यांनी मनसे अध्यक्ष राज ठाकरे यांचे नाव न घेता लगावला.

करोनाविषयक नियम पाळणे गरजेचे आहे. पण काही नेते म्हणतात की मी मास्क लावतच नाही. पण असे न करता मास्क लावून काळजी घ्या, असा सल्ला अजित पवार यांनी अप्रत्यक्षरित्या राज ठाकरे यांना दिला. तसेच हा सल्ला देताना तुम्ही मास्क लावत नसल्याने इतरांना करोना झाला तर काय, असा प्रश्नही त्यांनी राज यांना विचारला. त्याचवेळी विरोधी पक्षनेते प्रवीण दरेकर यांनाही त्यांनी टोला लगावला. मनसे अध्यक्ष राज ठाकरे यांनी मास्क लावायला पाहिजे, असे सांगत, ते प्रवीण दरेकर यांचे जुने नेते आहेत, असेही हसतहसत अजित पवार म्हणाले. त्यांच्या या वक्तव्यानंतर सभागृहात एकच हशा पिकला.

मराठी भाषा दिनानिमित्त २७ फेब्रुवारी रोजी मनसेनं शाखा-शाखांवर 'मराठीतून स्वाक्षरी' कार्यक्रमाचं आयोजन केलं होतं. यापैकी एका कार्यक्रमात राज ठाकरे स्वत: सहभागी झाले होते. मात्र, त्यांनी मास्क लावले नव्हते. याबद्दल पत्रकारांनी राज ठाकरे यांना प्रश्न विचारला. त्यावर, मी मास्क घालतच नाही. तुम्हालाही सांगतो,' असं ते म्हणाले होते. राज यांच्या या वक्तव्यामुळं उलटसुलट चर्चा रंगली होती.

टिप्पणी पोस्ट करा

0 टिप्पण्या