जामखेड नगरपरिषदेवर मुदत संपल्याने प्रशासकाची नेमणूक

 

लोकनेता न्यूज 

 ( ऑनलाईन न्यूज नेटवर्क )

जामखेड:- जामखेड नगरपरिषदेवर मुदत संपल्याने प्रशासकाची नेमणूकिचे आदेश जिल्हाधिकारी राजेंद्र भोसले यांनी दिले आदेश. त्या आदेशानुसार कर्जत च्या प्रांत अधिकारी अर्चना नष्टे  यांची प्रशासक म्हणून नियुक्ती करण्यात आली आहे.

७ फेब्रुवारी रोजी जामखेड नगरपरिषदेचा पदाधिकाऱ्यांचा पाच वर्षांचा कार्यकाळाची मुदत संपत असल्याने दि . ८ फेब्रुवारी पासून जामखेड कर्जत उपविभागाच्या उपविभागीय अधिकारी अर्चना नष्टे यांची प्रशासकपदी नियुक्ती करण्यात येत असून त्यांनी हा पदभार स्विकारावा असा आदेशच जिल्हा अधिकारी डॉ  राजेंद्र भोसले यांनी काढला आहे . दि . ४ फेब्रुवारी २०२१ रोजी काढलेल्या आदेशत म्हटले आहे की , पदभार स्वीकारल्यानंतर कारभार सुरळीत करता यावा म्हणून निवडणूका होईपर्यंत मुदत संपलेल्या अध्यक्ष व नगरसेवकांची एक समिती करून त्यांच्याशी सल्लामसलत करून कारभार करण्यात यावा . तसेच आवश्यकते नुसार १५ दिवसातून एक बैठकही घेण्यात यावी. अशा आशयाचे पत्र जिल्हाधिकारी यांनी काढले आहे.

    सद्यस्थितीला १५ फेब्रुवारीला प्रारूप यादी प्रसिद्ध होणार आहे.त्याच्यावर  हरकती व नंतर अंतिम यादी प्रसिद्ध होणार आहे. त्यामुळे राजकीय नेते कार्यकर्ते कामाला लागले आहेत.या नगरपरिषद च्या निवडणुकीत पुन्हा आमदार रोहित पवार व  माजी मंत्री राम शिंदे हे पुन्हा एकदा आमने सामने दिसणार आहेत.नुकत्याच झालेल्या ग्रामपंचायत मध्ये भाजप व राष्ट्रवादी कॉंग्रेस मध्ये चांगली रस्सीखेच  आल्या आहेत. ग्रामपंचायतच्या निवडणुकीचे अजूनही  राजकीय  वातावरण गरम असतानाच आता जामखेड नगरपरिषद ची निवडणूकिचे बिगुल वाजणार असल्याने राजकीय वातावरण ढवळून निघाले आहे.