Ticker

6/Breaking/ticker-posts

पेट्रोल – डिझेल भडकले ; पर्यायी इंधनांचा विचार सुरु

 

लोकनेता न्यूज

ऑनलाईन न्यूज नेटवर्क)

 

नवी दिल्लीः देशातील पेट्रोल आणि डिझेलच्या किमती विक्रमी स्तरावर पोहोचल्यात. दिल्लीत मंगळवारी पेट्रोल 30 पैशांनी वाढून 89.29 रुपये झाले. तर डिझेलदेखील 35 पैशांनी वाढून 79.70 रुपये प्रतिलिटरवर गेले आहे. भोपाळमध्ये XP पेट्रोलची किंमत प्रतिलिटर 100.18 रुपयांवर गेलीय. दरम्यान, सरकारने पर्यायी इंधनांचा विचार करण्यास सुरुवात केलीय केंद्रीय रस्ते वाहतूक आणि महामार्ग मंत्री नितीन गडकरी यांनी मंगळवारी देशातील पर्यायी इंधनाचे जोरदार समर्थन केले आहे.

 

देशात पर्यायी इंधन म्हणून विजेला मान्यता द्या

केंद्रीय रस्ते आणि वाहतूक मंत्रालय इंधन म्हणून देशातील विजेला प्रोत्साहन देत आहेत, कारण देशात अतिरिक्त वीजनिर्मिती केली जात आहे. गडकरी म्हणाले की, देशात पर्यायी इंधनाची वेळ आलीय. मी अगोदरच इंधनासाठी विजेला प्राधान्य देण्याविषयी बोलत आहे, कारण आमच्याकडे अतिरिक्त वीज आहे. लिथियम-आयन बॅटरीपैकी 81 टक्के बॅटरी भारतात तयार केल्या जातात. त्यांच्या मंत्रालयाने देखील लिथियम-आयनला पर्याय म्हणून स्वीकारण्याचा सल्ला दिलाय. सरकारच्या सर्व प्रयोगशाळा या दिशेने संशोधन करीत आहेत. याव्यतिरिक्त मंत्रालय हायड्रोजन इंधन विकसित करण्याचा देखील प्रयत्न करीत आहे.

 

 आता चीनचे वर्चस्व वाढलेले आहे

पर्यायी इंधनाचे पर्याय शोधण्यासाठी नुकतीच उच्चस्तरीय बैठक झाली. यात केंद्र सरकारचे प्रधान वैज्ञानिक सल्लागार के. विजय राघवन, एनआयटीआय आयोगाचे मुख्य कार्यकारी अधिकारी अमिताभ कांत, महामार्ग सचिव गिरीधर अरमाने आणि डीआरडीओ, इस्रो आणि सीएसआयआरचे वरिष्ठ प्रतिनिधी उपस्थित होते. लिथियम आयन बॅटरीवर सध्या चीनसारख्या देशांचे वर्चस्व आहे.

 

प्रगत बॅटरी लवकरच आत्मनिर्भर होण्यासाठी धोरण

नितीन गडकरी यांनी अलीकडेच म्हटले होते की, प्रगत बॅटरी तंत्रज्ञानामध्ये भारताला लवकरच आत्मनिर्भर करण्यासाठी सरकार धोरण आणेल. सामर्थ्यवान बॅटरीद्वारे ई-वाहन क्षेत्रातील प्रथम क्रमांक मिळवण्याचे आपले लक्ष्य आहे. ई-व्हेईकल्ससह वाहन निर्मितीमध्ये भारत सध्या जगात आघाडीवर आहे.

 

टिप्पणी पोस्ट करा

0 टिप्पण्या