(NEET) नीट शिवायही करता येतो वैद्यकीय अभ्यास; 'हे' आहेत १२ वी नंतरचे पर्याय

 

लोकनेता न्यूज

( ऑनलाईन न्यूज नेटवर्क)

 

नवी दिल्ली : राष्ट्रीय पात्रता आणि प्रवेश परीक्षा (NEET) ही देशातील सर्वात मोठी प्रवेश परीक्षा आहे. यावर्षी, नीट २०२१ परीक्षा १ ऑगस्ट रोजी होणार आहे. तथापि, परिस्थिती लवकरच सामान्य न झाल्यास ही तारीख वाढविली जाऊ शकते. एमबीबीएस आणि बीडीएस कोर्समध्ये प्रवेश घेण्यासाठी दरवर्षी सुमारे १५ लाखांहून अधिक विद्यार्थी या परीक्षेला बसतात. यापैकी केवळ ५० % विद्यार्थीच नीटमध्ये पात्र ठरतात.

नीट परीक्षा देणाऱ्या या लाखो विद्यार्थ्यांना वैद्यकीय आणि आरोग्य सेवा क्षेत्रात करियर करायचे असते. परंतु तुम्ही नीट क्वालिफाय करण्यास अक्षम ठरल्यास निराश होऊ नका. असे अनेक कोर्स आहेत ज्याद्वारे तुम्ही आरोग्य सेवा क्षेत्रात उत्तम करियर बनवू शकता. यासाठी नीट देखील आवश्यक नसते. असे काही अभ्यासक्रम पुढे दिले जात आहेत-

बॅचलर इन फार्मसी (बी. फार्मसी)

याला सामान्यत: बीफार्मा (BPharma) असेही म्हणतात. यामध्ये औषधांचा अभ्यास केला जातो. औषधे तयार करण्याचे तंत्र शिकवले जाते. भारतासह अनेक देशांमध्ये फार्मसिस्ट होण्यासाठी ही पदवी आवश्यक आहे.

याद्वारे आपण फार्मास्युटिकल उद्योग, हर्बल उद्योग, सौंदर्यप्रसाधन उद्योग किंवा क्लिनिकल संशोधन क्षेत्रात उत्तम करियर करू शकता. या व्यतिरिक्त उत्पादन, गुणवत्ता नियंत्रण, संशोधन आणि विकास इत्यादी सरकारी विभागांमध्येही रोजगार निर्माण होतात. बरीच विद्यापीठे व संस्था स्वतंत्र प्रवेश परीक्षेद्वारे या कोर्सला प्रवेश देतात. नीट परीक्षा आयोजित करणारी नॅशनल टेस्टिंग एजन्सी (एनटीए) संस्था देखील फार्मसीसाठी राष्ट्रीय स्तरावरील प्रवेश परीक्षा घेते.

बीटेक इन बायोमेडिकल इंजिनीअरिंग हा चार वर्षांचा पदवी अभ्यासक्रम (Biomedical Engineering) आहे. १२ वी नंतर विज्ञानात या प्रवेश घेता येतो. यानंतर बायोमेडिकल तंत्रज्ञ, बायोमेडिकल अभियंता आणि बायोकेमिस्ट म्हणून काम करण्याचा मार्ग मोकळा होतो.

बीएससी न्यूट्रिशन (BSc  Nutrition)

​

हा तीन वर्षांचा यूजी कोर्स आहे. यात विज्ञान आणि आहार आणि पौष्टिक मूल्यांच्या सर्व बाबींबद्दल तपशीलवार शिकवले जाते. पोषण व आहारशास्त्रात बीएससी केल्यानंतर उमेदवार रुग्णालये, आरोग्य दवाखाने, आरोग्य केंद्रे किंवा बहुराष्ट्रीय कंपन्यांमध्ये आहारतज्ज्ञ किंवा पोषण विशेषज्ञ म्हणून काम करू शकतात. पगारही चांगला मिळतो.

 बीए मानसशास्त्र (BA Psychology)

​

इतर वैद्यकीय अभ्यासक्रमांप्रमाणे सायकॉलॉजीसाठी बारावीमध्ये सायन्स अनिवार्य नाही. कला किंवा वाणिज्य शाखेचे विद्यार्थी देखील मानसशास्त्रामध्ये पदवी प्राप्त करू शकतात. यानंतर, आरोग्य किंवा मेंटल केअर काऊन्सिलर, कन्स्ल्टंट म्हणून काम करता येते. किंवा मग क्रिमीनल जस्टीस किंवा किंवा सामाजिक कार्य क्षेत्रात करियर करता येते.

 

बीएस्सी फिजिओथेरपी(BSc Physiotherapy)

हा तीन वर्षाचा पदवी अभ्यासक्रम आहे. हे पूर्ण झाल्यानंतर आपल्याकडे व्याख्याता, फिजिओथेरपिस्ट, संशोधक, संशोधन सहाय्यक, क्रीडा फिजिओ रिहॅबिलिटेटर, थेरपी मॅनेजर यासह अनेक क्षेत्रात काम करण्याची संधी आहे. एखाद्या रूग्णालयात किंवा खाजगी क्लिनिकमध्येही काम करता येते.

 हे अभ्यासक्रम देखिल चांगले पर्याय

​वर नमूद केलेल्या कोर्स व्यतिरिक्त असेही काही कोर्स आहेत जे तुम्ही १२ वी नंतर निवडू शकता. यासाठी नीट देखील आवश्यक नसते. हे आहेत –

 बीएससी कार्डियाक परफ्यूजन (BSc Cardiac Perfusion)

बीएससी बायोटेक्नॉलॉजी (BSc Biotechnology)

बीएससी मायक्रोबायोलॉजी (BSc Microbiology)

बीएससी कार्डिओ-व्हस्कुलर टेक्नॉलॉजी (BSc Cardio-Vascular Technology)

बॅचलर ऑफ ऑक्युपेशनल थेरपी (B.O.Th) (Bachelor of Occupational Therapy)

या लेखामध्ये नमूद केलेले बहुतेक अभ्यासक्रम तीन वर्षांच्या कालावधीचे आहेत. या सर्वांसाठी राष्ट्रीय पातळीवर तसेच राज्य पातळीवर प्रवेश चाचण्या असतात. बर्‍याच संस्था त्यांच्या स्तरावर प्रवेश परीक्षा आयोजित करतात.