Ticker

6/Breaking/ticker-posts

धक्कादायक ! ‘ कुम्पनानेच शेत खाल्ले’ डॉक्टरच करत होता रेमडेसिव्हीरचा काळाबाजार

 






लोकनेता न्यूज

( ऑनलाईन न्यूज नेटवर्क)

 

कोल्हापूरः करोना बाधित रुग्णासाठी रेमडेसिविर इंजेक्शनचा प्रचंड तुटवडा भासत असताना कोल्हापुरात एक डॉक्टरच ती काळ्याबाजारात जादा दराने विकत असताना रंगेहात पकडला गेला. मेडिकल दुकानात काम करणाऱ्या त्याच्या मित्रासह आणखी एका साथीदाराला पोलिसांनी अटक केली आहे. अटक केलेल्या आरोपींमध्ये सचिन दौलत जोगम, प्रणव राजेंद्र खैरे व प्रकाश लक्ष्मण गोते यांचा समावेश आहे. 

याबाबत अधिक माहिती अशी की, कोल्हापूर जिल्ह्यात गेल्या काही दिवसापासून करोना बाधितांची संख्या वाढत आहे. रोज हजारावर रुग्ण आढळत असल्याने आरोग्य यंत्रणेवर प्रचंड ताण पडत आहे. अनेकांना इंजेक्शन मिळत नसल्याने उपचारावर मर्यादा येत आहेत. या इंजेक्शनचा तुटवडा भासत असल्याने काहींचा जीवही जात आहे. या पार्श्वभूमीवर इंजेक्‍शनचा काळाबाजार करणाऱ्यांवर कडक कारवाई करण्याचे आदेश पोलीस अधीक्षक शैलेश बलकवडे यांनी दिले आहेत. त्यामुळे पोलीस काळाबाजार करणाऱ्यांच्या वर लक्ष ठेवून आहेत.

रविवारी पोलिसांना त्‍यांच्‍या खबर्‍यामार्फत कोल्हापुरातील एक डॉक्टरच इंजेक्‍शनचा काळाबाजार करत असल्याची माहिती मिळाली. त्यानुसार पोलिसांनी सापळा रचला. या सापळ्यात डॉक्टरसह तिघेजण सापडले. प्रणव राजेंद्र खैरे हा वैद्यकीय शिक्षण घेत असून तो एका खाजगी दवाखान्यात डॉक्टर म्हणून ही सेवा देत आहे. या रुग्णालयात करोनाबाधित रुग्णावर उपचार सुरु आहेत. रुग्णालयात शिल्लक राहिलेले रेमाडिसिव्हर इंजेक्शन तो सचिन जोगम व प्रकाश गोटे यांच्या मदतीने विकत होता.

२३ हजार रुपयेला एक इंजेक्शन विकत असताना त्याला रंगेहाथ पकडण्यात आले. त्याच्याकडून तीन इंजेक्शन जप्त करण्यात आले आहेत. या तिघांनाही पोलीस निरीक्षक तानाजी सावंत यांच्या पथकाने अटक केली आहे. त्यांना अन्न व औषध प्रशासन अधिकाऱ्यांनी ही मदत केली.

टिप्पणी पोस्ट करा

0 टिप्पण्या