कोल्हापूरला दिलासा! पंचगंगेचे पाणी एक फुटाने ओसरले

 

लोकनेता  न्यूज

(ऑनलाईन न्यूज नेटवर्क

कोल्हापूर : कोकणसह पश्चिम महाराष्ट्रातील अनेक जिल्ह्यात आलेल्या पुरानंतर आता मदत व बचावकार्याला वेग आला आहे. जाणून घेऊन राज्यातील पुरस्थिती\..

रायगड, रत्नागिरी, कोल्हापूर, सातारा, सांगली, सिंधुदुर्ग या जिल्ह्यांना पुराचा मोठा तडाखा बसला आहे. पावसानं उघडीप दिल्यानंतर व काही ठिकाणचे पाणी ओसरल्यानंतर आता मदतकार्याला वेगानं सुरू झालं आहे. दरडी कोसळलेल्या ठिकाणी बेपत्ता नागरिकांचा शोध सुरू आहे. 

महाराष्ट्रातील पूरस्थिती
*कोल्हापुरात अजूनही ११६ बंधारे पाण्याखाली

*कोल्हापूरकरांना दिलासा; पंचगंगेची पाणीपातळी १ फुटाने कमी .

*कराडमधील प्रिती संगमावरील यशवंतराव चव्हाणांचे स्मृतीस्थळाला अजूनही पाण्याचा वेढा आहे. पुणे-बेंगळुरू राष्ट्रीय महामार्गावरील वाहतूक बंदच

*कोयना धरणातून ५३ हजार क्युसेक वेगाने पाण्याचा विसर्ग

*खासदार संभाजीराजे भोसले यांची चीफ ऑफ डिफेन्स स्टाफ जनरल बिपीन रावत यांच्याशी चर्चा. नौदलाच्या मदतीची केली विनंती

*पाटण तालुक्यातील आंबेघर येथे एनडीआरएफची टीम अद्यापही पोहचू शकलेली नाही. आंबेघरमध्ये दरड कोसळल्यानंतर १४ लोक बेपत्ता आहेत. काहींचा मृत्यू झाला आहे.

*सातारा जिल्ह्यात मध्यरात्रीनंतर पावसाची काहीशी उघडीप

*रत्नागिरी: चिपळूण खेर्डी येथील सती समर्थनगर येथील पूरग्रस्त कुटुंबांना माजी खासदार निलेश राणे यांच्याकडून चटई, ब्लॅंकेट व जीवनावश्यक वस्तूंची मदत.

*एनडीआरएफची टीम व पॅरा मेडिकल मिल्ट्री टीम, खेड येथील मदत ग्रुपचे कार्यकर्ते मदतीसाठी खेडमध्ये पोहोचले. सकाळपासून मदतकार्य पुन्हा सुरू.

*खेड तालुक्यातील बिरमणी येथे एक तर पोसरे येथे चार जणांचे मृतदेह शुक्रवारी रात्री दरडीच्या ढिगाऱ्याखालून बाहेर काढण्यात आले. बीरमणी येथे ७० वर्षीय जयवंत भाऊराव मोरे यांचा मृतदेह सापडला.